Inicio > Chigres > ¿Yes de carne o de pexe? Da igual: Parrilla Santa Olaya
ChigresEncamientosGastronomía

¿Yes de carne o de pexe? Da igual: Parrilla Santa Olaya

A cinco minutinos de la playa L’Arbeyal tenemos esta prestosa sidrería que vien de reabrir col nome de Parrilla Santa Olaya y a la que nun se-y pon ná per delantre.

Aparte de la calidá de la so parrilla, que pudimos tastiar n’otra ocasión, la so cocina pasa la preba, tantu de los platos de mar comu de los de tierra.

El Bombón de Merluza con patates panaera sosprende por sacar lo meyor d’esi pexe con una salsa espesino y saborgoso pero que’n dengún momentu tapez el tastu propiu de la merluza, que resulta bien xugosa.

La opción más carnívora llévanos a una ración de Rau de Toru, un platu siempres complicáu porque la especial intensidá d’esta triba de carne apelligra de resultar escesivo pa dalgunos paladares si nun se prepara con pricuru.

Amás hai que consiguir que quede tienro y non seco, pero tampocu nun ye recomendable servilo poco fecho, un equilibriu que na Parrilla Santa Olaya consiguen. Acompanguen la carne con patates frites y ensalada mista.

Los dos platos mariden perbién con unes botelles de Sidra Contrueces Etiqueta Oro, servíes a la temperatura correcha.

Parrilla Santa Olaya – Av. Galicia 80 – Xixón T: 984 19 89 28


(Visited 2.655.023 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies