Inicio > Chigres > Impresionante menú de sábadu en Casa Toni
ChigresChigresEncamientosEncamientos

Impresionante menú de sábadu en Casa Toni

El sábadu pasáu y por namás 15 € -por 12 pues llevalo pa en casa- esfrutemos d’esti tremendu menú, na Sidrería Casa Toni.

De primeru había sopa mariscu o ensalada de pulpu. Escoyimos la segunda opción, una decisión un pocu arriesgada, pero qu’afortunadamente salió bien, el pulpu taba perfechu.

De segundu, el mio acompañante pidió fabada, un a aciertu aseguráu, sabemos que les fabes son de Grau, el compangu de calidá y la preparación de lo meyor.

Yo preferí seguir na llinia del primer platu, con una estupenda ración de chipirones salteaos con gambes y amasueles.

De terceru había pa escoyer pente caces de gochu o brocheta de pitu y bacon en salsia pimienta.

Pedí les caces y teo que decir que son de lo meyor que probé en muncho tiempu. 100% d’encamentar.

 

SIDRERÍA CASA TONI – Carlos Marz 16 – Xixón. T. 985 34 32 83


(Visited 2.465.559 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies