Inicio > Chigres > Sigue en marcha l’entítulu d’echaor
ChigresChigresCultura sidreraLlagaresLlagaresNoticiesTasties

Sigue en marcha l’entítulu d’echaor

Nelli participen l’Alministración, OTEA, la DOP Sidre d’Asturies o’l CIFP d’Hostelería y Turismu.

LA SIDRA.- El certificáu de profesionalidá pa los echaores de sidre sigue’l procesu pa la so aprebación. Nes postreres hores asoleyárase una información sobro la so refuga por parte del Sepepa (nel entitular, yá que na entraína y nel testu escláriase la noticia). Dende’l DIFP d’Hostelería y Turismu d’Asturies y la DOP Sidre d’Asturies siñalen que siguen trabayando pa que la entitulación seya aína una rialidá y puea ufiertase al públicu. “La única vía na que se ta trabayando, y síguese nello, ye nel certificáu de profesionalidá” despliquen la Denominación d’Orixe. Declaraciones que comparten dende’l CIFP d’Hostelería y Turismu d’Asturies en Xixón. “Nós seguimos trabayando nos certificaos de profesionalidá nivel 2 d’echaor y nivel 3 de mayestru echaor”. En cuantes a l’Alministración, dende la Conseyería de Desendolcu Rural siñalaren a esti mediu de comunicación que la información espublizada nun provenía de dichu muerganismu.

Pel so llau, la Conseyería d’Emplegu, Industria y Turismu, si que dió información al respeutu y trescribimos darréu’l testu unviáu a los medios: “El Sepepa tien un Cientru de Formación d’Hostelería en Llangréu. Amás, tenemos un Cientru Integráu de Formación Profesional d’Hostelería en Xixón. El seutor de la hostelería pidi dende va tiempu que formemos echaores de sidre. Podemos formar echaores, si esa formación ta incluyía en daqué programa formativu de los cursos qu’impartimos dende’l Sepepa. Intentemos incluyir esa formación nun cursu y el Serviciu d’Empleu Estatal nun lo aceptó. Dende va daqué más d’un añu, los cientros de formación d’Hostelería de Llangréu y Xixón tan trabayando pa la ellaboración d’un programa formativu de “mayestru sidreru”. Esi programa treslladaráse al Istitutu Nacional de les Cualificiaciones y, si lu consideren acionáu, aprebarán el correspuendiente Certificáu de Profesionalidá y yá podríemos impartir la formación. Nesti procesu d’ellaboración del programa formativu, cuéntase col seutor pa conocer les sos necesidaes, los conteníos que demanden… Per ende, trátase d’una iniciativa que ta en marcha pero que nun depende dafechu del “Principado”

 

 
(Visited 589.172 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies