Inicio > AS > Noticies > Sidre de magar la magaya en Portugal
Noticies

Sidre de magar la magaya en Portugal

La Universidá d’Aveiro afirma qu’ellabora la bébora de magar la magaya, colo que reduz la contaminación del alrodiu.

LA SIDRA.- Nun se trata de qu’al ellaborar sidre se xenere la magaya; sinon al revés. Alunos de la Universidá d’Aveiro -en Portugal- produxeren una sidre que se fai de magar la magaya, ello ye, naz de la magaya resultante de la “ellaboración del zusmiu concentráu de mazana” ¿Y como? Pos a la magaya amiésten-y tamién llevaúres. El resultáu, indiquen, ye una triba sidre estremada a la qu’hai en mercáu y que lleva por nome Cidermace. L’oxetivu, sigún siñalen los estudiantes, ye que la magaya nun tea un impautu ambiental negativu pal arrodiu.

 

Esta información, que saltó a los medios de comunicación como una anuncia positiva pal mediu ambiente, xenéramos varies reflexones. En primer llugar, n’Asturies la magaya reutilízase tradicionalmente y los sos usos abarquen estremaos ámbetos -dende cebera pal ganáu, abonu pal campu, fasta investigaciones sobro los sos beneficios en cosmética-, y bono, esto nun foi noticia a nivel estatal. Per otru llau, ye complicao atalantar el procesu. Ello ye, páñense mazanes, prénsense pa sacar zusmiu concentráu colo que s’obtien magaya, y llueu… ¿A esa magaya tórnen-y a echar zusmiu y llevaures?

Bono, pos nun queda mui nidia la noticia, pero seguiremos investigando. Lo que sí queda ca vuelta más nidio ye que les noticies sobro la nuesa bébora emblemática van aumentando dientru’l panortama gastronómicu. Diferentes fasteres de Portugal tan recuperando la tradición d’ellaborar sidre y tan sacando a la venta nuevos productos que tan entrando con seguranza nel mundiu sidreru.

(Visited 1.228.178 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies