Cellebraráse del 30 payares al 2 d’avientu en Donostia y Astigarraga
LA SIDRA.- La nueva edición del Sagardo Forum va tener como escenarios el centru cultural Erribera Kulturgunea en Astigarraga, y el Palaciu Congresos Kursaal de Donostia.
Esti alcuentru internacional de la mazana y la sidre ta entamáu por Sagardoaren Lurraldea —el Territoriu la Sidre—, de l’asociación Sagardun, dedicada a la promoción de la cultura sidrera vasca, y va tener estremaos separtaos: xornads técnica sobro mazana, sidre y turismu, y el Concursu y Feria Internacional de sidra.
El programa escomenzará’l xueves 30 payares nel Kursaal onde se va cellebrar el Concursu de Sidre –a puerta zarrada- que cunta cola participación de 262 marques de sidre d’estremaes procedencies, catalogaes en nueve categoríes.
El vienres, 1 d’avientu van llevase a cabu les ponencies técniques n’Astigarraga, y yá el 2 d’avientu, de nueu nel Kursaal, va tener llugar la entrega premios y la Feria Internacional de Sidre que va cuntar con 24 productores de tol mundu, con posibilidá de tastiar unes 100 marques doferentes de sidre.
Asina mesmo tamién ta planiada dientru l’eventu una cena en LABe Restaurant (Tabakalera, Donostia) y la cena Ritual del Txotx na Sidrería Alorrenea (Astigarraga).
