Inicio > Cultura sidrera > Refugada la candidatura asturiana de la sidre
Cultura sidreraDellos

Refugada la candidatura asturiana de la sidre

Mentes candidatures qu’escomenzaron cuando l’asturiana yá fai más de 7 años que foren aprebaes, la cultura asturiana de la sidra sigue ensin ser considerada pola Unesco.

LA SIDRA.- Magar la versión edulcorada emitida pol ‘Principado’ que pretende que la Unesco va ‘retrasar’ fasta 2024 la evaluación de la propuesta de la candidatura de la cultura sidrera asturiana a la Llista Representativa de Patrimoniu Mundial Inmaterial de la humanidá, porque “España cunta yá con 20 representantes”, lo cierto ye qu’esta alternativa de “retrasar la evaluación” d’una candidatura nun tien precedentes na Unesco, nin ta recoyía –fasta onde sabemos- en dengún reglamentu de dicha organización.

Too paez indicar que lo qu’asocedió cenciellamente ye que la Unesco refugó la candidatura asturiana, por más que’l ‘Principado’ afirme que ‘nun implica denguna valoración negativa sobro la candidatura’, darréu que de siguío, el direutor xeneral de Cultura y Padremuñu del ‘Principado’, Pablo León, asegura que van ampliar y tornarán presentar la candidatura de la cultura de la sidre asturiano pal añu que vien.

‘Tornarán presentar’, ello ye, que nun ye que se retrase la so evaluación, sinón que tornará presentase otra candidatura distinta ‘más ampliada’, lo qu’implica que la orixinal nun taba lo suficientemente encontiada, ya inclusive da credibilidá a la tesis ámpliamente espardía nel mundiu sidreru asturianu de qu’enxamás nun llegó a presentase dicha candidatura, o que si se presentó nun foi en tiempu y forma, darréu que tampoco nun hai precedentes de que se formalice énte la Unesco la mesma candidatura de forma repitía.

Hai que recordar qu’otres candidatures anunciaes al empar que la de la cultura asturiana de la sidre  yá fueron aprobaes pola Unesco fai más de 7 años, mentes que la que tenía que presentar el ‘Principado’ foi atropando retrasu tres retrasu, namás achacable a desenfotu o incapacidá, retrasos a los que se suma esti tremendu fracasu.

(Visited 1.647.856 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies