Inicio > AS > Noticies > Presentación del Campionatu Oficial d’Echaores 2016
Noticies

Presentación del Campionatu Oficial d’Echaores 2016

L’actu tuvo llugar nel Muséu de la Sidre de Nava y nellil reivindicóse l’echáu manual comu ellementu diferencial, d’interés cultural y turísticu, asina comu de la necesidá de cuntar con una categoría profesional del oficiu.

LA SIDRA.- Reivindicar la figura del echaor yá que ye un ellementu diferencial a nivel cultural y d’interés turísticu. Esti foi ún de los argumentos principales sobro’l que xiraron les intervenciones de los participantes a la presentación del Campionatu Oficial d’Echaores d’Asturies 2016. L’actu tuvo llugar el martes 26 d’abril nel Muséu de la Sidre de Nava.

 

A la presentación, que corrió  acargu d’Enrique Tuya, cordinaor del Campionatu Oficial d’Echaores d’Asturies, allegaron:  José Luis Álvarez Almeida, presidente de l’Asociación d’Hostelería d’Asturies; Rogelio Pando, alcalde de Colunga y presidente de la Mancomunidá Contorna de la Sidre; Tino Cortina, presidente de la nueva comisión xestora del CRDOP “Sidre d’Asturies”; Natalia Menéndez, presidenta de l’Asociación d’Echaores d’Asturies; Juan Cañal, alcalde de Nava; y Jesús Cases, direutor xeneral de Desendolcu Rural y Agroalimentación.

Otra de les demandes que se sintieron na sala foi la de la necesidá d’aniciar una categoría profesional pal oficiu d’echaor. “Tamos en negociaciones colos sindicatos pa que nel nueu conveniu se reconoza la figura del especialista echaor  manual de sidre” desplicó Álvarez Almeida. “L’echáu  ye daqué únicu quemnos estrema. Ye únu de los principales valores d’Asturies comu destín turísticu” reafitó Tino Cortina, quien amás siñaló la importancia de da-y puxu al turismu sidreru o “sidraturismu”.

Al finar la presentación, tolos asistentes salieron fora del muséu onde los echaores Gigi Ciubotariu, Jorge Vargas, Salvador Ondó, Wilkin Aquiles y Jeison Franco echaron los primeros culinos colos qu’abrieron la temporada de concursos y campionatos. El primeru d’ellos va tener llugar el próximu 7 de mayu en Samartín del Rei Aureliu.

(Visited 870.794 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies