Inicio > Cultura sidrera > Postreros díis pa participar nel Concursu Semeyes LA SIDRA
Cultura sidreraEventosFototeca

Postreros díis pa participar nel Concursu Semeyes LA SIDRA

Esti concursu, únicu nel so xéneru, convócase col sofitu del llagar Sidra JR

LA SIDRA.- Prósimu a rematar el plazu presentación (el prósimu 31 de marzu) el concursu yá cunta con una amplia participación de 40 fotógrafos y más de 150 imaxes. Ye de destacar que ye inusual un índiz tan altu, pos lo avezao en cualisquier concursu de semeyes ye que les participaciones escomiencen a recibise la selmana cabera, y n’especial nos postreros trés díis.

Tamién hai de destacar que se recibieron participaciones d’ocho países como Cuba, India, Francia, Vietnam, Gran Bretaña, Francia o Rusia.

Animamos pos a presentase y participar pa poder optar a los grandes premios del mesmu:

  • Imaxe ganadora dotáu con 700 € en metálicu, medalla d’oru CEF.
  • 1er accésit dotáu con 200 € en metálicu, medalla plata CEF, /• 2º accésit dotáu con 100 € en metálicu, medalla bronce CEF, /• Mención especial ‘Sidra JR’ dotáu con 100 euros y dos caxes de sidra JR (a recoyer nel llagar pola presona premiada)

Va poder optar a esti premiu cualisquier de les semeyes presentaes y que marcaren la opción na plataforma d’optar al premiu JR.

Recordámosvos les feches claves:

  • Recepción d’obres: del 1 de febreru fasta’l 31 de marzu de 2022.
  • Espublización del fallu del xuráu: de magar el 14 d’abril de 2022.
  • Entrega premios: de magar el 30 d’abril de 2022
(Visited 1.731.901 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies