Inicio > AS > Noticies > “Nun ye Halloween, ye Samaín”
Noticies

“Nun ye Halloween, ye Samaín”

Mieres del Camín cellebra esta fiesta tradicional con sidre’l duernu tolos díis.

LA SIDRA.- Un añu más la Plaza Requexu acoyerá una nueva edición del Samaín, la fiesta de la salú y la solidaridá que llega con numberoses actividaes pa neños y adultos, entes les quenun faltarán xuegos, música, marutos y gastronomía.Y como nun podía ser d’otra miente, la sidre tendrá un papel primordial nesta cellebración: tolos díis habrá repartu de sidre’l duernu nos puestos de les asociaciones.

 

 

Baxu’l llema “Nun ye Halloween, ye Samaín”, esta cita pretende retomar la festividá d’aniciu celta que comemoraba la fin de la dómina de colleches y emponderaba la escuridá. Una fiesta xuncía coles tradiciones y los orixes qu’entamó nel añu 2013 al traviés d’una iniciativa de los hosteleros de Requexu que foi recoyía y sofitada pola conceyalía de salú del conceyu.

Les actividaes entamará el díi 28 d’ochobre y finarán el 1 de payares. Amas de la preba de sidre habrá cuntacuentos, decoraciones de  calabaces, cancios de chigre, talleres de cocina, teatru de solombres, desfile de perros antroxaos, concursos de marutos, discoteca p’adultos y guajes, prea de galletes, xuegos con música y entrega premios de Miss Calabaza.

(Visited 1.378.262 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies