Inicio > Cultura sidrera > N’Asturies, sidre y dinosaurios
Cultura sidreraSidreturismu

N’Asturies, sidre y dinosaurios

Renfe pondrá en furrulamientu en xunetu y agostu trés rutes turístiques, una d’elles cientraráse en llugares sobro la bébora más emblemático de los asturianos

LA SIDRA.- Esti branu Renfe y l’Alministración asturiana pondrán en marcha trés rutes turístiques: ‘La biosfera y la mina’, ‘Puertos y cantiles’ y ‘La sidre y los dinosaurios’. La iniciativa enártase dientru’l proyeutu: ‘Trenes turísticos d’Asturies’ pa dar puxu al usu del fierrucarril como mediu tresporte caltenible y promocionar tamién actividaes culturales y sociales.

Les trés rutes temátiques tienen como duración un díi y combinen viaxes en tren con visites guiaes a espacios singulares de la comunidá. ‘La sidre y los dinosaurios’ rializaránse los díis 20 de xunetu y 24 d’agostu. Sedrá dende Uviéu fasta Les Arriondes ya inclúi visites al Muséu del Xurásicu -MUXA- en Colunga, y les istalaciones rellacionaes cola cultura sidrera en Villaviciosa y Nava tales como’l llagar d’El Gaitero o el Muséu de la Sidre en Nava. “El circuitu vinculáu a la sidre cobra especial rellevancia nesti añu, nel qu’Asturies trabaya intensamente na candidatura de la cultura sidrera como padremuñu inmaterial de la Unesco” siñaló’l conseyeru d’Emplegu, Industria y Turismu, Isaac Pola.

Per otra parte, les salides de ‘Los puertos y cantiles’ sedrán del 13 xunetu al 10 d’agostu. Y ‘la biosfera y lamina’ llevaránse a cau”l 27 xunetu y el 17 d’agostu. L’horaiu de furrulamientu sedrá de nueve y cuartu a dies de la nuechi y los precios taraminguen ente los 20 y los 40 €

 

 

(Visited 600.555 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies