Inicio > AS > Tasties > Los Corros lleva’l premiu a la meyor sidre casero
Tasties

Los Corros lleva’l premiu a la meyor sidre casero

El concursu de Feleches cumple la so cuarta edición y ye una preseleición pal campionatu asturianu.

LA SIDRA.- Margarita Álvarez y dos fíos, Antonio y Casimiro Fernández, ganaron el primer premiu del concursu de sidre casero cellebráu en Feleches. Un certame qu’amás forma parte de la preseleición pal campionatu d’Asturies, onde Álvarez va participar xunta les otres dos clasificaes: Lorena Iglesias y Silvia Maojo.

Tres la preseleición rializada’l 27 de mayu, la final del concursu llevóse a cabu’l 5 de xunu na carpa de les fiestes del Corpus Christi. En total, participaron 29 ellaboradores de sidre, anque namás  5 de los productos presentaos pasaron a la final. El xuráu tuvo compuestu por Maximino Villarrica, Gumersindo Martínez, Joaquín Fernández y Chema Pezón. Al concursu solo podíen presentase los ellaboradores que moren y faigan la so sidre en Sieru .

El concursu de Feleches ye l’únicu que se cellebra nel Conceyu Sieru y l’alcuentru cunta cola collaboración de l’Asociación de Vecinos de Feleches y el Club d’Amigos de la Mazana de Sieru.

(Visited 560.263 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies