Inicio > Cultura sidrera > La sidre, protagonista del cartel de branu de Xixón
Cultura sidrera

La sidre, protagonista del cartel de branu de Xixón

La imaxe ye obra de la diseñaora Noelia Pañeda y ye “una invitación a compartir”

LA SIDRA.- El Branu 2020 de Xixón yá tien cartelu. La imaxe, obra de la diseñaora de dicha llocalidá, Noelia Pañeda (Pasaxeru 37), inclúi un chisgu a la sidre y el deseyu de salú nun branu distintu”.

Sigún Noelia Pañeda, “el diseñu ye una invitación a compartir, a brindar con sidra, una bébora bien social, a esfrutar del arruelu nos espacios abiertos, al campu… Y el deseyu de qu’esti branu hebia salú para toos”.

El cartelu va escomenzr a espublizase la prósima selmana n’estructures de moblame urbanu, comercios y llocales d’hostelería, va sirvir d’imaxe pa les programaciones desendolcaes pol Departamentu de Festexos de Divertia.

En prósimes feches va tener llugar la presentación d’una programación intensa que se va cellebrar na ciudá demientres los meses de xunetu y agostu, que va tener en cuenta los condicionamientos derivaos de la COVID-19.

La programación festivo y cultural escomenzó na ciudá cola programación de San Xuan y San Pedro y mañana mesmu va tener continuidá cola naguración de distintes esposiciones nel marcu de Metrópoli City, cola cellebración de la Selmana Negra, que va dar empiezu pasao mañana vienres y colos conciertos programaos en La Terraza de Llaboral, que tamién arrinquen esta fin de selmana.

(Visited 2.445.290 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies