Inicio > AS > Chigres > La Preba de Gascona, pelos balcones
ChigresEncamientosEventosLlagaresTasties

La Preba de Gascona, pelos balcones

Tres l’ésitu del postrer Echáu de Sidre Simultaniu los chigres de Gascona tan valorando repetir formatu pa la XXI Preba de la Sidre.

LA SIDRA.- Programada pal prósimu 10 de mayu y suspendía por mor del Estáu d’Allarma, la XXI Preba de la Sidre podríe cellebráse en ventanes y balcones, siguiendo l’exemplu de la esitósa convocatoria del pasáu Echáu de Sidre Simultániu.
La idega, que tovía ta n’estudiu, implicaríe unviar unes doscientes botelles y vasos xerigrafiaos col llogu de la Preba, a presonaxes sinificativos de la sociedá asturiana, -munchos de los cualos yá participaron nel postrer echáu de sidre simultániu-, y dempués poner a dimposición de tol mundiu eses botelles y vasos… miles de botelles col so vasu y pañuelu, y miles d’unvíos per tol país.

Asina mesmo, l’Asociación de Sidreríes de Gascona tamién ta valorando a ver como lleva a efeutu la votación pa determinar cuala ye la meyor sidre, camentando yá nuna tastia virtual al traviés d’una plataforma online.

Per agora too son idegues pendientes de concretar, pero lo cierto ye que Gascona muévese, muncho y bien.

 

(Visited 2.445.324 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies