Inicio > Eventos > La mocedá polaco involúcrase cola sidre
EventosInternacionalLlagaresSISGA

La mocedá polaco involúcrase cola sidre

Tres el ésitu del llagar polacu Cydr Szczepanówka, la mocedá ve nel seutor sidreru una opción valoratible pal futuru.

Pue dicise qu’Aleksandra Buła ye la llagarera más moza de toa Polonia y en LA SIDRA tamos arguyosos de poder dicir que’l so primer ésitu empresarial foi l’añu pasáu n’Asturies, onde estrenóse cola medalla plata a la so sidre nel Salón Internacional de les Sidres de Gala (SISGA/ IHGC). Yera amás una sidra acabántenes comercializar col que’l seutor sidreru polacu tien l’envís d’aportar al mercáu internacional con sidres axampanaes de la más alta calidá.

La tradición de facer sidre en Polonia ciéntrase sobre too na fastera de Lublin, onde una delegación de la Fundación Asturies XXI participó nel so certame sidreru y d’au ye orixinariamente’l llagar  Cydr Szczepanówka, nomáu asina pol antepasáu d’Aleksandra, el so tataragüelu Szczepan, el primeru en llantar la pomarada. Dende entós la familia vieno dedicándose a la produción de zusmios y nun foi fasta namás cuatru años que la xoven llagarera decidió apostar pola sidre, primero comu un interés formativu y dempués comu una pasión y cimeramente un plan de trabayu aprofitando la so formación n’enoloxía.

Aparte la so formación especializada l’acudir a eventos comu’l SISGA valio-y pa conocer xente del seutor y atopase con otres cultures sidreres tales comu la inglesa, la xaponesa, la bretona y por supuestu l’asturiana. Ella caltién que yera la primer vegá que podía prebar tantes sidres de tantos países destremaos y deprender so los medios de produción tan variaos a nivel internacional.

Nel futuru camienta llanzar sidre de xelu y aumentar la produción del llagar, y tamos ciertos que na prósima edición del SISGA dará que falar, siendo el caber añu 2019 un puntu d’inflexón que marca un nuevu estándar de calidá de la sidre polaco y un pegollu na so reconocencia a nivel internacional.

(Visited 2.445.607 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies