Inicio > AS > Noticies > La Cultura Asturiana de la Sidre a la UNESCO
Noticies

La Cultura Asturiana de la Sidre a la UNESCO

El direutor xeneral de Desendolcu Rural y Agroalimentación del “Principado” afirma que van retomar la candidatura comu Padremuñu Imaterial de la Humanidá.

LA SIDRA.- Jesús Casas, demientres la so participación nel “Sidraforum” cellebráu  cola xida del Festival de la Sidra de Nava,  afirmó que mañana mesmo tendrá un aconceyamientu cola Conseyería de Cultura pa entamar de nueu la campaña pa que la UNESCO reconoza la cultura asturiana de la sidre como Padreñu Imaterial de la Humanidá.

 

Como ye de remembrar, el “Principado”, lleva paralizada la candidatura dende va pa diez años, metantu otres, como la de les falles de Valencia, qu’entamaron al empar, yá algamaron la so reconocencia. De toes formes, de ser verdá, y si bramente dende’l “Principado” cumplieren cola so pallabra –que nun ye de munchu fiar-, los munchos años perdíos nos que foron sumándose candidatures a esta categoría de la UNESCO, mentes nel “Principado” seguíen xiblando a les barbaes, supondrá que s’entardará a lo menos otros 20 años de retrasu enantes de consiguir esta categoría.

En tou casu, dende LA SIDRA namás esperamos a qu’esta anuncia seya cierta, y que d’una vegada’l “Principado” cumpla col so compromisu y obligación presentando la candidatura de la cultura asturiana de la sidre énte la UNESCO, p’algamar la so reconocencia internacional.

(Visited 2.445.619 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies