José Luis Díaz, de Godán, ganó’l II Concursu de Sidre Casero de Salas
Ésitu de públicu y participación nesta segunda edición, con presencia de llagareros de les más de les collaciones del conceyu
LA SIDRA.- La plaza de la Ilesia de Salas foi l’escenariu onde se desendolcó esti segundu concursu, que cuntó cola participación de 15 llagares caseros, de Villazón, Godán, Las Gallinas, Villarmor, Santa Eufemia, L’Arquera, Llinares, Otero, Eiros, Curniana, Bárcena, Villamar d’Abaxo y Salas… colo que tovieron representaes les más de les collaciones de Salas.
Muncha xente, y un estupendu ambiente favorecíu pol escepcional marcu que representa la plaza La Ilesia de Salas y el bon tiempu, nuna cellebración na que se reivindica la tradición sidrera d’esti conceyu del ocidente asturianu, y nel que se da puxu a una práutica que se vien calteniendo al traviés del tiempu.
Les trés sidres premiaes fueron: Primer Puestu José Luis Díaz, de Godán; Jaime El Diestru, e Llinares; y el terceru Aníbal Fernández, del Bravín
Con esta segunda edición pue considerase afitáu l’eventu y prevése que la prósima edición cunte tovía con una mayor participación d’ellaboraores de sidre pa en casa.
