Inicio > DOP Sidre d'Asturies > ‘Esperiencia Collecha’ de la Sidre d’Asturies
DOP Sidre d'Asturies

‘Esperiencia Collecha’ de la Sidre d’Asturies

La DOP Sidre d’Asturies ufiertó a los medios de comunicación la presentación de la campaña de pañada de la mazana

LA SIDRA.- Un añu más, el Conseyu Regulador de la DOP Sidre d’Asturies cellebró la so tradicional ‘Esperiencia Collecha’. Una decena de periodistes de dellos medios de comunicación –ente ellos la revista LA SIDRA, por supuestu-, tantu xeneralistas como especializaos en gastronomía, pudieron esfrutar d’una actividá guiada cuyu oxetivu yera vivir una esperiencia rial de la campaña de recoyía de la collecha de la mazana. Una xornada entamada p’afondar na conocencia del productu y los sos raigaños, asina como nel seutor agrícola ya industrial del que forma parte la Denominación d’Orixe Protexía Sidre d’Asturies.

Nesta edición, l’allugamientu escoyíu fo la pumarada de Llamedo CB, en Nava. Los sos propietarios, José María y Nacho Llamedo guiaron a tolos periodistes asistentes por una pumarada de base vertical que supera los más de 10.000 metros cuadraos, y que produz añalmente más de 180 tonelaes de mazana, partíes en seyes races. Pae y fíu sesplicaron cómo se produz la pañada de races de mazana na pumarada en semienanu, les particularidaes de ca campaña, los momentos de la pañada según maduración de les mazana, el so treslláu al llagar y los controles que sobro los mesmos fai’l Conseyu Regulador de la DOP Sidre d’Asturies.

La ‘Esperiencia Collecha’ siguió nel Llagar Arbesú (Santa Marina) cola yá tradicional espicha ente los asistentes. Nun faltó la Sidre d’Asturies acompangada d’otros productos de la tierrina, entendiendo’l calter bonable d’esta triba d’acontecimientos, que refrenden ún de los aspeutos más importantes de la imaxe de la nuesa  comunidá: gastronomía de calidá y enraigonamientu nel orixe y col bon ambiente de la calidez de los asturianos.

 

 

 

(Visited 2.445.317 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies