Inicio > DOP Sidre d'Asturies > Cuando se llevanta una botella sidre, llevántase Asturies
DOP Sidre d'Asturies

Cuando se llevanta una botella sidre, llevántase Asturies

La vinculación de la sidre cola economía identitario supón un apueste pol mediu rural, el mediu ambiente, y por una Asturies onde la mocedá nun se vea forzao a emigrar

LA SIDRA.- La presentación de la campaña de branu de la DOP Sidre d’Asturies, col llema ‘Esta etiquetina ye bien grande’ dio un pasu más na vinculación de la nuesa bébora patrio cola economía del país, gracies a les declaraciones de la direutora xeneral  de Desendolcu Rural, Begoña López, nes qu’afirmó que ca vegada que se llevanta una botella sidre –DOP entiéndese- ta llevantándose Asturies.

Esta defensa de la economía identitario y del papel principal de la sidre na mesma, ye ún de los más firmes argumentos pa esti productu, darréu que n’unos intres nos que tamos careciendo unes polítiques de desindustrialización ensin precedentes, el so consumu supón un apueste pol mediu rural, el mediu ambiente y por una Asturies onde la mocedá nun siga siendo forciada a emitrarl

A la presentación de la campaña asistieron el presidente del Conseyu Regulador de la DOP Sidre d’Asturies, Víctor Ramos; el xerente de la entidá, Daniel Ruiz; la direutora xeneral de Desendolcu Rural y Agroalimentación, Begoña López; el direutor de l’axencia creativa Arrontes y Barrera, Luis Arrontes; y la teniente alcalde del Conceyu Villaviciosa, Rocío Vega.

“Son campañes nes qu’ún siéntese bien arguyosu. L’oxetivu ye potenciar la diferenciación, al traviés d’una gráfica bien direuta y visual. El protagonista ye’l verde, el collor de la sidre y d’Asturies, acompangáu d’una llamada a l’aición bien potente”, describió Lluis Arrontes. La campaña, que va cuntar con una inversión de 84.000 euros ente branu ya iviernu, va tar presente en soportes offline (mupis y autobuses), asina como en redes sociales, radio y televisión. “Vamos Llegar al 90% de la población asturiano”.

El presidente del Conseyu Regulador, Víctor Ramos, sorrayó la importancia d’esti tipu d’aiciones. “El nuesu retu, con estes campañes, ye protexer el campu y a los pumareros asturianos. Tamién a los ellaboradores y a la sidre, cómo productu polo xeneral. Y, por supuestu gracies, la cultura sidrera asturiana”, espresó.

 

 

(Visited 2.601.417 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies