La Tastia Nagural, a cargu del llagareru del Val d’Aosta Gianluca Telloli, rializaráse na mañana del 28 de setiembre, y la de Celestino Vázquez y Regina Mª Pereira na tardi del mesmu díi
LA SIDRA.- A poco más d’una selmana del entamu del XIII Salón Internacional de les Sidres de Gala (28 setiembre a 1 d’ochobre), confírmase que les Tasties Principales, a rializar na tardi del 28 setiembre van ser impartíes por:
- Celestino Vázquez –llagareru de Sidra Panizales-, de reconocíu prestixu pola variedá y calidá de les sos sidres y pol so apueste continu por esplorar les posibilidaes de la sidre en toles sos posibles espresiones, y qu’espondrá non solo los sos productos, sinón tamién la filosofía del so llagar
- Regina Mª Pereira, Técnica Superior de la Direición Rexonal d’Agricultura y Desendolcu Rural del Gobiernu de Madeira, Portugal, que va dar a conocer la IXP ‘Sidre de Madeira’, aprobada esti mes d’agostu, y va presentar la sidre de los 5 llagares madeirenses que participen nesti XIII SISGA.
Tres estes dos espectaculares Tasties Principales, el XIII SISGA va siguir con una visita a les istalaciones del Club Isidra, onde va tener llugar una auténtica esperiencia sidrero-gastronómica ensin precedentes: ‘Saborgu a llagar’, una propuesta sensorial que pretende averar les sensaciones vivíes nos llagares a la mesa.
(Visited 2.513.265 times)
