Inicio > AS > Tasties > Bases del IX Concursu Semeyes LA SIDRA (asturianu)
Tasties

Bases del IX Concursu Semeyes LA SIDRA (asturianu)

BASES DEL IX CONCURSU DE SEMEYES “LA SIDRA” (ASTURIANU)

1. Podrán participar toles presones (profesionales o aficionaos) Qu’unvíen daqué semeya dientru’l plazu siñaláu y nos soportes requeríos en ca casu. Les semeyes namás podrán ser presentaes polos sos propios autores.

2. Namás podrán unviase semeyes rellacionaes cola sidre, la mazana o cualisquier de los sos derivaos y conforme a les carauterístiques descrites nestes bases, siendo 5 el númberu másimu de semeyes presentaes por autor. Si s’atoparen semeyes feches por una mesma cámara, presentaes baxo estremaos nomes, tolos autores implicaos quedaríen automáticamente descalificaos.

3. Nun entraran en concursu infografíes, valoraránse a les imaxes que representen el procesu d’ellaboración y consumu de la sidre en cualisquier aspeutu tantu dientru comu fuera d’Asturies.

4. Toles semeyes tienen de remitise dientru’l plazu de duración del concursu, de magar el momentu de la so espublización en LA SIDRA (Fundación Asturies XXI) y fasta’l 16 d’avientu nos soportes indicaos.

5. Les semeyes unviaránse en formatu dixital a la direición infolasidra@gmail.com

6. Les imaxes qu’opten al premiu de la categoría Semeya Dixital tendrán de remitise en formatu comprimíu en JPG y en tou casu con una resolución de 254 ppp y un tamañu de 50 x70 cm, ensin marcos, tando la imaxe a sangre nel llenzu. Nel corréu tendrá de figurar nome y direición del autor, nb. teléfonu y testu indicativu de pie de semeya o semeyes.

7. Les semeyes tienen de ser necesariamente inédites, ello ye, nun tener ganao dengún otru concursu.

8. Un xuráu cualificáu formáu poles presones que designe LA SIDRA (F.Asturies XXI) seleicionará, ente les semeyes recibíes la ganaora, los dos accesits y el premiu JR

9. Nun se permitirán firmes, marcos nin testos sobro les imaxes.

10. Nun s’almitirán composiciones formaes por más d’una semeya.

11. LA SIDRA (F.Asturies XXI) resérvase’l drechu a solicitar l’orixinal a los ganaores.

12. Les imaxes finalistes formarán parte de l’amuesa “Semeyes Sidreres” que s’espondrá nel actu d’entrega de premios. Esta esposición podrá ser itinerante col oxetu de dar puxu a la cultura asturiana de la sidre.

13. Les semeyes finalistes premiaránse comu vien darréu: 

  • Imaxe ganaora dotada con 700 € en metálicu y llote de llibros y productos sidreros
  • 1 Accésit con una dotación de 200 € en metálicu más llote en llibros y productos sidreros .
  • 2º Accésit con una dotación de 100 € en metálicu más llote en llibros y produtos sidreros 
  • Premiu especial “Sidra JR” dotáu con dos caxes de sidre a la meyor semeya en rellación con dichu llagar y/o los sos productos.Podrán optar a esti premiu cualisquiera de les semeyes presentaes en cualaquiera de les dos categoríes.

 

Pa optar al premiu l’autor o presona dellegada por elli tendrá d’acudir a la recepción del mesmu, que se-y comunicará con abondu antemanamientu.

14. Los finalistes recibirán un diploma ya invitación a la espicha d’entrega de premios-

15.Los premios a les meyores semeyes (previa comunicación per e-mail o teléfonu a los ganaores) fadránse públicos na revista LA SIDRA (F.Asturies XXI).

16. Les semeyes premiaes y una seleición de les meyores sedrán espublizaes na revista LA SIDRA (F.Asturies XXI).

17. Toles semeyes finalistes sedrán espublizaes y nel so casu utilizaes por LA SIDRA (F.Asturies XXI), respetando’l so formatu d’imaxe y mencionando al autor. La organización resérvasel drechu d’espublización de les semeyes na revista, llibros y restu de material que pudiere editase col únicu oxetivu de dar puxu y esparder la cultura asturiana, la sidre y esti mesmu concursu, citando espresamente al so autor. Nun esistirá denguna triba de llucru nel espardimientu de diches obres. 

18.El fechu participar supón l’aceptación dafechu de les presentes bases.

 

En casu dulda na interpretación de les bases nes estremaes llingües, tien preferencia la versión n’asturianu por ser la orixinal.

(Visited 800.083 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies