Inicio > Gastronomía > La meyor fabada fuera d’Asturies, Casa Hortensia en Madrid
Gastronomía

La meyor fabada fuera d’Asturies, Casa Hortensia en Madrid

Carús Casa de Comidas tamién na capital de Estáu, La Taska Sidrería en Valencia, Casa Zapico en Toledo y Los Platos de Soto en Mallorca, son tamién finalistes del concursu

LA SIDRA.- La novena edición del concursu “La Meyor Fabada del Mundiu” yá conoz a los primeros finalistes: CAsa Hortensia Madrid y Carús Casa de Comidas dambes en Madrid, La Taska Sidrería de Valencia, Casa Zapico en Bargas, Toledo y Los Platos de Soto en Mallorca. Amás, el xuráu fexo una mención especial pola calidá del so compangu a la fabada de la madrilana TAberna en Torres de la Alameda. Falten tovía unes cuantes selmanes más pa conocer quin sedrá los venti finalistes asturianos que s’amestarán a la llucha pol entítulu’l prósimu 26 de marzu en Villaviciosa.

El concursu, entamáu pol citáu Ayuntamientu yla empresa d’eventos gastronómicos Gustatio, ye, aseguren, de los más desixentes qu’esisten porque pa ga ganar les fabaes puen ser degustaes fasta trés vegaes por un xuráu espertu, nuna primer fase de forma anónimo y secreto. Los miembros del xuráu de la semifinal nacional foreon Alfredo Humbría del Grupu La Máquina; Carlos Maribona, críticu gastronómicu del diariu ABC; David Fernández-Prada, Direutor de Gustatio; Emiliano García Domené, Casa Montaña; Ismael Fernández de la Confradería Amigos de les Fabes; Vanesa Caso d’El Ñeru, y el cocineru y fotógrafu gastronómicu Sacha Ormaechea.

El xuráu destacó que la presente edición foi la de meyor calidá de faba de toles ediciones del concursu. Na semifinal nacional hebio representación de Murcia, Madrid, Alicante, A Coruña, Toledo, Granada, Cuenca, Málaga, Valencia, Barcelona y Mallorca.

Juan Rubio, edil de Mediu Rural del Ayuntamientu Villaviciosa fexo entrega de los trofeos acompangáu polos miembros de la Confradería Amigos de les Fabes y del vicepresidente del Cientru Asturianu de Madrid, David De Santiago. El concursu La Meyor Fabada del MUndiu cunta col padremuñu y collaboración de Bodegas Monasterio de Corias, Embutidos Naveda, La Tierrina Vaqueira y Pomarina, la sidre Brut de El Gaitero. Los ganaores n’anteriores ediciones foron siempres restoranes asturianos: Casa de Comidas Chema (2011-2017), El Moreno (2012), El Llar de Viri (2013), Sidrería Bedriñana (2014), Los Pomares (2015), Vista Alegre (2016) y Gaucho Fierro (2018).

(Visited 559.961 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies