Inicio > AS > Noticies > Xubía en madreñes de La Gascona
Noticies

Xubía en madreñes de La Gascona

Esta actividá llúdico folixera enmárcase nes fiestes de San Matéu. 

LA SIDRA.- Como davezu, l’Asociación de Sidreríes de La Gascona, propón un eventu que da puxu al esporte tradicional asturianu y la conservación d la nuesa cultura, usando’l zapatu tradicional que ye la madreña.

La competición consiste en xubir la cai de La Gascona -dende la fonte de Foncalada fasta la cai Xovellanos- calzaos con zapatielles y madreñes ferraes con goma. La xubía xébrase en tres categoríes, infantil mista, masculina y femenina. Los trés primeros clasificaos de ca categoría sedrán premiaos pola asociación con 150, 100 y 75 euros, amás d’una prenda esportiva y un troféu. Na categoría infantil los premios nun sedrán económicos pero tan valoraos en 200 €. Inscripción en info@sidreriasgascona.com Unviar DNI, nome completu, teléfonu y mail.

 

La carrera tendrá llugar el domingu 18 setiembre a les 11 la mañana delantre Foncalada, procediéndose al sortéu de la posición de salida ente un másimu de 30 inscritos per categoría.

A les 12 escomenzarán les tres xubíes (12:00, 12:10 12:20, sigún ca modalidá. El percorríu circunscríbese al espaiu de baldosa de rodaura, separtando esti espaciu de les ceres por valles y cinta. El públicu tará tres los espacios vallaos.

Na zona salía hacrá dos xueces y na de llegada otros dos y una cámara vídiu fixa. A lo llargo del percorríu habrá voluntarios vubriéndolu pa torgar estorbises a los correores.

(Visited 1.561.080 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies