Inicio > Sin categoría > Xixón y la sidre, protagonistes nuna ueb p’atrayer el turismu rusu
Sin categoría

Xixón y la sidre, protagonistes nuna ueb p’atrayer el turismu rusu

La ciudá foi destacada en Barcelona10, una ueb empobinada a los rusos que visiten el territoriu español y que tienen como puerte d’entrada la capital catalana

LA SIDRA.- La Llaboral, Ciudá de la Cultura, la sablera de San Llorienzu, los festivales, y por supuestu, la sidre… Xixón protagonizó, gracies a la collaboración de Xixón Turismu, un de los artículos que la ueb rusa Barcelona10 dedica a otros destinos del Estáu. Esta ueb ta dirixía a los turistes de dichu país que lleguen al territoriu español al traviés de Barcelona, la so principal puerte d’entrada. Esti sitiu ueb  ye un de los medios de comunicación de viaxes más populares sobro España en rusu, con más de 50.000 visites al mes.

L’artículu online escomienza asina: “Pa miles de turistes, España ye Barcelona y, nel meyor de los casos, Madrid y les Islles Canaries. ¡Pero somos viaxeros avanzaos! Sabemos qu’hai munches coses más interesantes, saborgoses ya inescaecibles que s’escuenden n’otros territorios d’España. Por eso pidimos a Miguel Villar Morán, de Turismu de Xixón, que mos falara de la so guapa ciudá. ¡Sigue lleendo!”

Na entrevista destácase qué ye lo que tien la ciudá que nun se pueda atopar en dengún otru llugar, la meyor dómina y les meyores atraciones, los eventos principales de la ciudá, los platos típicos, la ufierta de turismu activu o les fiestes y tradiciones. Y de xacíu, atopamos les rellacionaes cola cultura sidrera asturiana.

“El postrer vienres d’agostu, miles de xixoneses danse cita na sablera de Poniente pa bater el récord mundial d’echáu simultáneu de sidre. Nesti díi escomienza oficialmente la Fiesta de la Sidre Natural, que dura tola fin de selmana y acompángase d’una degustación gratuita de la sidre que s’ufierta en tolos puntos de la ciudá y contorna” desplica na ueb.

L’enllaz ye: https://barcelona10.ru/khikhon-putevoditel-po-gorodu-ot-mestnykh-zhiteley

(Visited 2.445.415 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies