Inicio > Internacional > Sidres peculiares y úniques
InternacionalLlagaresTasties

Sidres peculiares y úniques

Dalgunes de les sidres más singulares ellabóranse n’América.

LA SIDRA.- La tradición de la sidre mora na grana d’una mazana. Y los sos saborgos tienden a movese entre chispeante a dulce o seca, dependiendo del amiestu.

Sicasí, hai tamién combinaciones rares qu’ufierten dellos llagares. Éstes son dalgunes d’elles:

Delles combinaciones interesantes inclúin The Tonic, de Blake’s Hard Cider Company, fecha con raigañu de xenxibre y pepinu; o la serie Hootenanny Hard Cider, de sidre Locust, con saborgos que van dende’l granu de vainilla al ráspanu afumiáu; y Tepache Especial del Llagar Argus, que contién especies y piña.

Combinaciones de sidre estrañes atópense en Dulse Seaweed de Urban Fermentory, una sidre trescalada d’algues, que la so salín permedia’l so dulzayu; o Brunch, de Farmhaus Cider, qu’ellabora una sidre d’almuerzu combinando saborgos de canela y pláganu; y Br-er Rabbit de Reverend Nat, una sidre seco fecha con zusmiu y miel de cenadoria.

Y, finalmente, les combinaciones estremes son El Chavo de Blake, una sidre con amiestu de chile habaneru y mangu; o Randall’d Cider de Buskey, una serie de sidres esperimentales, como la so xalapeño-llima, cereza-llima, sandía-romeru, pomelu-llimonucu o mangu-hierbabuena.

Atreveríeste?

(Visited 685.337 times)
A.M.V.
https://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies