Inicio > Chigres > Rutes de tastia de sidre en Londres
ChigresInternacionalLlagaresSidreturismuTasties

Rutes de tastia de sidre en Londres

Una nueva forma d’afayar la City.

LA SIDRA.- La empresa UK Brewery Tours pon en marcha percorríos a pie con trés paraes sidreres esta temporada.

La primera empicipió ayeri, con tolos billetes escosaos, y va haber nueves xornaes el 2 d’avientu de 2017 y el 13 de xineru de 2018.

Los participantes axuntáronse en Bermondsey, Londres, pa ser empuestos nun percorríu de tastia de sidre. Pudieron conocer los meyores establecimientos sidreros de la capital mentres deprendíen lo que trai la ellaboración d’esta bébora único y maravioso.

La visita escomenzó en Draft House, al delláu de Tower Bridge, onde los participantes recibieron una introdución al mundiu de la sidre acompangada d’esta bébora pa ponese en marcha.

Dempués moviéronse al primer llagar urbanu de Londres, Hawkes Cidery, en Druid Street, pa deprender el procesu d’ellaboración de la sidre, con tasties demientres tola visita.

A la fin, dirixéronse a New Forest Cider House, enclaváu en Borough Market, onde acabaron con una tastia de deliciosu quesu y sidre p’arredondiar el díi.

(Visited 538.702 times)
A.M.V.
https://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies