Inicio > AS > Noticies > Kits pa facer sidre
Noticies

Kits pa facer sidre

Siguiendo’l modelu d’ellaboración casero de cerveza, ca vuelta son más avezaos los “kits” pa facer sidre.

LA SIDRA.- Lo de facer sidre pa en casa ye daqué normal nel nuesu país onde la cultura asturiana de la sidre tien una fuercia perimportante, pero conforme’l consumu de sidre va faciéndose ca vegada más xeneralizáu, mesmamente en llugares onde enxamás nun la ellaboraron, o n’entornos urbanos con posibilidaes llimitaes pa la ellaboración tradicional, los kits pa facer sidre van faciéndose ca vuelta más frecuentes.

 

Nun d’esos kits vien “tolo preciso pa tresnar fasta tres vegaes la meyor sidre casera que tienes prebao” sigún anuncio ún d’ellos, que por unos 45 € inclúi tolos ingredientes precisos pa ellaborar sidre: 1 xarra de formientu de 3,8 llitros, tapón, tubos, termómetru, 3 paquetes de llevaura de sidre y 3 paquetes d’esterilización”.

Les istruiciones pa pretarar unos 11 llitros de sidre “burbuxeante” en namás 4 selmanes son les que vienen darréu: “tolo que precises ye un pocu de zusmiu de mazana (pues merclau fechu na tienda, nun ye imprescindible tener el pumar en casa) y esfrutar col procesu d’ellaboración que ye mui prestosu y asemeyáu al de la ellaboración de la cerveza, pero más fácile. Siguiedo los métodos d’ellaboración tradicionales, esti kit úfrete a escala la posibilidá de crear la topropia sidre en namás 4 selmanes. El resultáu final ye de 3 llotes (aprosimadamanete 8 pintes -3,7 llitros- por llote) de sidre burbuxeante casero”.
Lo meyor ye comu finen les indicaciones “¡Invita a los tos amigos asturianos porque van quedar de piedra!

Y ye verdá, de piedra quedamos. ¡Mete miéu peles coraes!

 

sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr

(Visited 2.466.273 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies