Inicio > Eventos > El Festival de la Sidre de Nava yá tien cartelu
EventosLlagaresSidreturismuTasties

El Festival de la Sidre de Nava yá tien cartelu

El carbayón Jesús Fernández ganó’l concursu con “Xuníos na distancia” un cartelu qu’enarta la bébora asturiana cola situación sanitario d’anguañu

LA SIDRA.- Del total de 64 obres presentaes, el xuráu del concursu de cartelos pa la XLIII edición del Festival de la Sidre de Nava, que se cellebra ente’l 10 y el 12 de xunetu, premió a Jesús Fernández, diseñador gráficu uvieín que yá ganare’l premiu -dotáu con 1.500 €- en 2002.

Nel cartelu, sobro un fondu naranxa,  vese a un grupu presones d’espaldes echando sidre, mentes guarden la distancia de seguranza que marquen les llinies que tan en baxo. L’autor desplicó que nun entamu camentaba nun cartelu más folixeru, pero col andanciu del coronavirus camentó que la obra tenía qu’espeyar la “nueva normalidá, calteniendo la sencia colos echaores y el pañuelu del festival”.

Respeutu al Festival de la Sidre de Nava, la intención de la Casa Conceyu de Nava ye intentar faer tolos eventos que seya posible, anunciándose actos nel Muséu de la Sidre –a cubiertu- pa poder controlar l’aforu-. Juan Cañal, l’alcalde navetu, informó que ta a la muera de tener un aconceyamientu col conseyeru de Sanidá pa ver que posibilidaes esisten pa eses feches, y en tou casu anunció qu’esti añu, y comu novedá, el Festival de la Sidre de Nava sedrá retresmitíu per internet.

(Visited 2.445.281 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies