Inicio > Chigres > Zarracina, un chigre míticu afayáu a los nuevos tiempos
ChigresCultura sidreraDellosEncamientos

Zarracina, un chigre míticu afayáu a los nuevos tiempos

Segundo Francisco Riesgo atiéndenos na Sidrería Zarracina, a un pasu de la Sablera de San Llorienzu

LA SIDRA.- Ye un establecimientu que lleva 61 años en manos de la so familia, dende 1959, y qu’entá caltien el so calter de sidrería de tola vida, asina que nun podemos evitar preguntar:

¿Cómo cuadra daqué tan modernu como un echaor automáticu n’una sidrería tan tradicional como esta?.

La sorpresa ye que la Sidrería Zarracina yá incorporó los echaores llétricos al so serviciu va doce años, cuando probaron con aquelles primeres mazanes colloraes echadores de sidra.  “De la que los traximos, de primeres la xente refugábalos un pocu” cúntamos “y agora el 90 per cientu prefierlos. La tradición evoluciona y en pocu tiempu, esto va ser lo tradicional”.

Entá asina, na barra si lo piden echa élli la sidre a los sos veceros “Ta’l típicu de tola vida que diz que sabe meyor echada, pos écho-yla”.

Pa Segundu ye un mitu que la sidra quede meyor echada a man, considera que la meyora de los echaores llétricos permite que l’echáu seya práuticamente perfechu.

Destaca tamién l’ameyoramientu téunicu de los aparatos a lo llargo de los años, sobromanera tocántenes a duración de la so batería. 

Agora tien 14 de esti escanciadores de tonel, unu para cada mesa y dalgunu más de repuestu y declárase satisfechu col so funcionamientu.

Casa Zarracina. Ventura Álvarez Sala 4. Xixón T.- 985 34 14 27


(Visited 2.466.013 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies