Inicio > AS > Eventos > XXXIII Concursu de Sidre en Villaviciosa
Eventos

XXXIII Concursu de Sidre en Villaviciosa

Tendrá llugar el 11 setiembre en Villaviciosa

LA SIDRA.- L’Ayuntamientu Villaviciosa convoca’l XXXIII Concursu de Sidre col oxetu de da-y puxu a la so cultura y emponderar la so calidá. Cellebraráse en Villaviciosa el 11 setiembre a les 18 hores na Plaza l’Ayuntamientu. El concursu ye abiertu, per ende, podrá participar cualisquier llagar de sidre, válidamente asentáu nos rexistros oficiales, cuyes istalaciones tean n’Asturies. La muestra a concursar consistirá en 12 botelles de sidre, correchamente etiquetaes y cumpliendo la llexislación vixente pa la sidre. Namás s’almitirá una marca de sidre por llagar y sedrá preciso iscribise y respetar los plazos daos pola organización.

 

Nel casu de tar acoyía esa marca a la DOP Sidre d’Asturies, les botelles deberán cuntar col correspuendiente etiquetáu del Conseyu, y si proceden de toneles calificaos entá por corchar, tendrá d’incluyise na caxa copia del documentu qu’acreíte la calificación d’esi tonel o toneles. Nun habrá denguna categoría particular pa esta triba de sidre. Amás, les marques acoyíes a la DOP Sidre d’Asturies, nun podrán en dengún casu presentase con sidres non calificaes.

Ca llagar escoyerá 5 prebaores de reconocíu prestixu, saliendo escoyíos los 10 más votaos pa la fase de preseleición y d’estos, los 5 más votaos pa la fase final, que tean disponibilidá y acepten. Les caxes almacenaránse en llugar frescu y afayaízu, con acesu restrinxíu. Les tasties sedrán ciegues, permaneciendo nel anonimatu les marques concursantes. Por ello, nun s’almitirán botelles con marques o defeutos que nun puedan ser tapecíes pola organizacion.

Pa más información y conocer como sedrá’l desendolcu de la fase de preseleición y la fase final pue consultase la ueb del conceyu: http://www.villaviciosa.es

(Visited 2.465.743 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies