El certame sedrá’l miércoles 22 y escomenzará a les cinco la tardi.
LA SIDRA.- Nueve díIs de fiesta en Mieres del Camín per San Xuan. Esti añu los entamaores planificaren una bayura d’actividaes pa cellebrar les fiestes qu’escomenzaron el díi 17 y que finarán el 25. Y dientru d’elles, comu nun podía ser d’otra miente, llevaráse a cabu’l XXXI Concursu d’Echaores, qu’escomenzará a les cinco la tardi del miércoles 22 y tendrá llugar na Plaza Requexu.
Dichu certame ta entamáu pola Asociación d’Echaores de Sidre d’Asturies y ye una de les cites que se tomen en cuenta pal Campionatu d’Asturies, y suel cuntar con una importante participación y siguiemientu pol públicu. Al finar del concursu tendrán llugar les actuaciones de Cristina Sánchez, Luis Estrada y Fran Pola.
Demientres los nueve díes que durarán les cellebraciones, les cais de Mieres llenaránse de música y actividaes pa que tolos que visiten la llocalidá puean esfrutar de la primer gran fiesta del branu. Asina podrá esfrutase de conciertos de música asturiana, pop y rock; certames esportivos, iniciatives pa conocer el mundiu mineru, xuegos y demostraciones pa neños, asina comu llugares pa degustar la gastronomía asturiana.
