Inicio > Cultura sidrera > XX Festival de la Sidre Villa de Navia
Cultura sidreraEventosSidreturismuTasties

XX Festival de la Sidre Villa de Navia

Esti vienres 5 d’agostu cellebraráse la vixésima edición d’esti referencial eventu sidreru del ocidente asturianu

LA SIDRA.- L’agostu naviegu viéstise de sidre, acompangada de la tradicional degustación de productos asturianos cola quesería Abredo al frente.

Dende les 12:00 hores, nes sidrería de la villa, cancios de chigre al cargu de distintos músicos. De magar les 18:00 hores escomienza la degustación de sidre na dársena cola actuación de delles agrupaciones musicales.

Los llagares que fasta agora tienen confirmao la participación son: Solleiro, Gallu Pintu, Trabanco, Viuda de Corsino, Roza, Vigón, Vallina, Viuda de Angelón, Foncueva y Castañón.

La parrilla, como davezu, va correr a cargu d’El Pinchu, toa una garantía de calidá y bon faer.

Arriendes d’ello, dende’l vienres 29 de xunetu fasta’l domingu 7 d’agostu, ta furrulando’l Pasaporte Sidreru, una bien interesante iniciativa que sirve d’esculpia para percorrer les sidreríes naviegues (Sidrería Antolín, Sidrería Cantábricu, Sidrería La Villa y Sidrería El Chigrín del Puertu), y participar nel sortéu de 150 euros y un circuitu spa n’Hotel Spa Blanco de La Colorada.

(Visited 1.471.143 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies