Inicio > AS > Eventos > Xornada del País Vascu nel Arcu Sidreru Atlánticu
Eventos

Xornada del País Vascu nel Arcu Sidreru Atlánticu

Lluis Nel Estrada y Eduardo Coto consiguieron enllenar l’Arcu Sidreru Atlánticu coles sos intervenciones nuna memorable xornada, que continuará güei cola ponencia del antropólogu Xuan de Con y la Tastia Guiada de sidre vasco de Donato Xuaquín Villoria.

VER SEMEYES

VER PROGRAMÍN PREVISTU

LA SIDRA.- La tercer xornada del Arcu Atlánticu Sidreru superóse gracies a les intervenciones del cocineru Lluis Nel Estrada, que disertó sobro “La sidre na cocina” y l’activista sidreru Eduardo Coto -Cider Guerrilla- que guió una tastia de sidre portuguesa -Corrupia- y asturiana -Españar y Riestra-, harmonizao con sidre portugués. Dambes intervenciones, que s’allargaron daqué más de lo previsto pol interés del públicu asistente resultaron especialmente interesantes y consiguieron xenerar al so alrodiu un alderique de lo más afayaizo.

Güei, de magar les 19:30 cellebraráse la conferencia “La Patrimonialización de la cultura. El casu de la Sidre d’Asturies”. Xuan de Con. Antropólogu, profesor-tutor de la UNED, qu’abordará aspeutos rellacionaos coles Denominaciones d’Orixe protexíes que polo xeneral nun solemos considerar, y darréu tendrá llugar la tastia de sidre vasco (Ama Oiharte y Txopinondo) con quesu vascu, que tará guiada pol espertu sidreru Donato Xuaquín Villoria, que de xunu aidarámos enforma a sacar lo meyor d’estos dos productos.

Ye preciso esclariar que les tasties guiaes, por sistema, tendrán llugar una vegada finada la intervención principal, y non necesariamente a les 21:00 h. como apaez en dalgún programín.

(Visited 2.468.017 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies