Inicio > Eventos > Xixón de Sidre 2017 premia a los sos ganaores
EventosGastronomíaLlagaresTasties

Xixón de Sidre 2017 premia a los sos ganaores

El certame, cellebráu del 5 al 15 d’ochobre, convirtió a Xixón na capital de la sidre.

LA SIDRA.- Xixón pudo vivir la cultura sidrera demientres diez díis, nos que se consumieron más de 120.000 botelles y más de 10.000 caxes de sidre, batiendo un nuevu récor nesta novena edición.

Ayeri cellebróse nel Llagar de Castiello la entrega de premios, siendo los siguientes los premiaos nes distintes categoríes:

Meyor Sidrería: Ríu Ástur. Finalistes: La Fueya de Tomás y La Tonada de Montevil.

Meyor Cazuela: Ríu Ástur con bacalláu al nuesu estilu. Finalistes: Bobes, con arroz con chipirones afogaos, y Llagar de Begoña, con chipirones encebollados al llagar.

Meyor Sidre: empate ente Sidre Cabañón y Sidre Trabanco d’Escoyeta. Finalistes: Cabañón, El Santu, Fran llote 1, Trabanco d’Escoyeta y Val de Boides.

Nesti casu, la votación rializóse al traviés d’una tastia ciega, con un únicu echaor y una botella pa ca grupu de xuráu, formáu por 5 llagareros de les sidres cola puntuación más alto, según les cinco sidreríes qu’ufiertaben dicha sidra. Esta tastia foi realizada na sidrería La Fueya de Tomás, ganaora del certame Xixón de Sidre 2016.

Meyor echador: Pelayo Rodríguez, de la sidrería El Rincón de Celia. Finalistes: Alejandra Venegas, de Parrilla Ramón y Víctor Borge, de La Fueya de Tomás.

Meyor equipu sidrería-llagar: La Pámpana y Sidre Cabañón.

Esti premiu concédese pola resultancia llograda ente la suma conxunta de les puntuaciones de les sidreríes cola del so llagar hermanáu.

Sidrería Más Guapina: La Tonada de Montevil. Finalistes: Chaflán y La Casona de Xovellanos

Sidre Más Prestosa: Sidre Acebal.

¡Qué barbaridá culinos! (mayor númberu de culinos sirvíos): Parrilla Antonio I, 40.536 culinos . Finalistes: La Tonada de Montevil, 36.792 culinos, y El Sabugu, 32.544 culinos.

¡Qué cachu  viaxe! (mayor númberu de caxes vendíes): Sidre Orizón, 563 caxes. Finalistes: Sidre Contrueces, 511 caxes y Sidre Foncueva, 452 caxes.

(Visited 2.464.632 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Dexa una rempuesta

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies