Inicio > Cultura sidrera > XIV Concursu de Sidre Casero de Villaviciosa
Cultura sidreraTasties

XIV Concursu de Sidre Casero de Villaviciosa

Cellebraráse’l 18 d’agostu pero los ellaboradores tienen fasta’l díi 13 pa presentar el so productu participante

LA SIDRA.- Los ellaboraores de sidre casero de La Villa yá s’atopen escoyendo’l so productu pa participar nel XIV Concursu de Sidre Caseru del conceyu Villaviciosa. Llevaráse a cabu’l 18 d’agostu al medíi na Plaza’l Güevu. Los interesaos en participar tienen d’apurrir dos caxes y media de la so sidre nel llocal de recoyía que ye la Sidrería La Ballera del 10 al 13 d’agostu n’horariu de 12:00 a 14:00 y de 16:00 a 20:00 hores.

Les eliminatories van cellebrase’l miércoles 14 d’agostu na Plaza d’Abastos de Villaviciosa a les 18:30 la tardi. Los premios consisten en… Pal primer puestu 400 euros y 2.500 corchos micronizaos. Pal segundu, 200 euros y una máquina d’echar. El tercer llugar fadráse con 100 euros y el cuartu con 50. Toos llevarán amás troféu, diploma y cena pa dos presones, estos trés postreros remios tamién se van otorgar a los que queden del quintu al décimu segundu llugar. Hai que destacar que los trés primeros clasificaos van pasar direutamente a la final del Campionatu d’Asturies que se va cellebrar nel mes d’ochobre.

La entidá entamaora ye l’Asociación de Fomentu de la Sidre Tradicional Asturiana, el so secretariu Óscar Flórez, manifestó nuna entrevista a la revista LA SIDRA qu’esta triba certames ca vegada cunten con más participantes. “De dos años fasta esta fecha, la sidre casero pegó un reblagu terrible. La mocedá quier esperimentar, quier ellaborar. Eso consiguióse colos concursos de sidre y muncho más. Nós siguimos con esti certame pola illusión de la xente. Los ellaboraores quien ameyorar lo que tienen”.

(Visited 2.466.625 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies