Inicio > Chigres > Xinta gourmet en Sidrería La Galana
ChigresEncamientosGastronomíaSin categoría

Xinta gourmet en Sidrería La Galana

La fama que precede a la cocina de la Sidrería La Galana, col so xef Denise Edeline al frente, fízo que les espeutatives tuvieren peraltes. Puedo asegurar que nun defraudó.

Croquetes caseres con xamón ibéricu y un tartar d’atún roxo sobro guacamole, espectacular. Pa con ello, sidre, del Llagar J.R., que fae perbón maridaxe con estos delicaos platos.

El toque potente del wassabi, perfechamente combinao cola cremosidá qu’apurre al conxuntu l’aguacate, dan-y al tartar d’atún una testura ya un tastu únicos.

Pa detrás, una tarta quesu -casera- con xeláu de frutos bermeyos, que vieno col toque esóticu d’un frutu de Physali.

Nun puedo dexar de comentar la percuriada presentación de tolos platos, que fae que caún d’ellos seya una esperiencia qu’algama tolos sentíos.

SIDRERÍA LA GALANA. Plaza Mayor 10, Xixón T. 985 17 24 29

 


(Visited 2.468.010 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies