Inicio > Eventos > XIII Primer Sidre L’Añu, la mayor espicha del país!!!
EventosPSLA

XIII Primer Sidre L’Añu, la mayor espicha del país!!!

La cellebración cola qu’entama la temporada sidrera asturiana convirtióse por méritos propios na mayor espicha del país 

LA SIDRA.- La Primer Sidre l’Añu –PSLA–, qu’esti añu fai la so decimu tercer edición,  tornará vivise per tolo alto del 6 al 9 d’abril nel Muséu del Pueblu d’Asturies, n’horariu, el xueves de 13:00 a 21:00 hores; el vienres y el sábadu, de 12:00 a 21:00 hores y el domingu, de 12:00 a 18:00 hores.

La PSLA, ye ún de los pocos eventos declarados de “raigambre social” pol Ayuntamientu Xixón, y ta entamada pola Fundación Asturies XXI col sofitu de la revista LA SIDRA, Xixón Turismu, la Conseyería de Mediu Rural y la Caxa Rural de Xixón, siendo una de les grandes artífices de que la reconocencia de la cultura sidrera asturiana como Padremuñu Cultural Inmaterial de la Humanidá pola UNESCO, tea daqué más prósima de ser una rialidá.

Miles de presones tornarán axuntase, en Selmana Santa, nel Muséu del Pueblu d’Asturies alrodiu la bébora tradicional asturiana, gracies a la cellebración de la Primera Sidre l’Añu, un eventu bien familiar y perenraigonáu na ciudá, nel que cultura, ociu, tradición y gastronomía van de la man. Una gran oportunidá p’averase al mundiu la sidre.

La Primer Sidre L’Añu ye la mayor espicha d’Asturies, un tiempu y un espaciu nel qu’esfrutar cola familia, colos collacios… de la bona sidre y del meyor ambiente.

Ensin prieses nin apuros, xugar, baillar, canciar, tomar unos culinos, y forrar bien, que la folixa pide tener el banduyu bien servíu…

 

PROGRAMAMEYOR PRIMER SIDRE L’AÑU / SIDRACRUCIS / XII ASTURIANADA Y SIDRE / CONCURSU DE SIDRE CASERO / PROGRAMACIÓN INFANTIL /TASTIES

¿QUÉ YE’L SIDRACRUCIS? / ¿EN QUÉ CONSISTE? / PERCORRÍU SIDRACRUCIS’23 / VIDIOS Y SEMEYES

(Visited 2.466.224 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies