Inicio > AS > Eventos > XI Concursu de Sidre Casero en Villaviciosa
Eventos

XI Concursu de Sidre Casero en Villaviciosa

Cellebraráse’l domingu 21 d’agostu na Plaza’l Güevu de magar les 12 del meudíi.

LA SIDRA.- L’Asociación de Fomentu a la Sidre Tradicional ye quien entama esti certame que se va llevar a cabu’l domingu 21 d’agostu y que ta patrocináu pola Casa Conceyu de Villaviciosa, la Conseyería d’ Agroganadería y Recursos Naturales, y en collaboración cola Contorna de la Sidre. Unos díis antes, el 17 d’agostu, va ser cuandu s’escueyan les doce meyores sidres que pasen a la final. Les iscriciones puen rializase na tradicional sidrería La Ballera en Villaviciosa.

 

Los asistentes a esti alcuentru van poder tastiar les sidres allugaes en espositores y casetes que se van asitiar na Plaza’l Güevu y onde van poder tastiar una amuesa de les sidres inscrites al concursu. Sigún los entamares, ello sinifica que se van echar fasta 2.000 botelles de la nuesa bébora tradicional. El primer premiu va tar dotáu con 400 euros y 5 mil corchos. El segundu con 200 euros y máquina d’echar. El terceru va ganar 100 euros y el cuartu 50. A toos va otorgáse-yos troféu, diploma y una cena pa dos presones. Los trés primeros clasificaos van pasar direutamente a la final del Campeonatu d’Asturies que se va cellebrar en Villaviciosa demientres el mes d’ochobre de 2016

(Visited 2.467.064 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies