Inicio > AS > Noticies > X Festival de Sidra ¡en Zacatlán!
Noticies

X Festival de Sidra ¡en Zacatlán!

El llugar atópase en Puebla, México, Estáu nel que tamién s’afaya la empresa Nietos de Asturias, un referente en la elaboración de sidra.

LA SIDRA.- La presencia de la sidre sigue xorreciendo nel continente americanu. Si entesdayeri tocábemos l’asuntu de Chiloé, güei treslledámosmos daqué más al norte y falamos sobro’l X Festival de la Sidre de Xacatlán. Esta feria llevaráse a cabu fasta’l 22 de payares y nesti eventu espérase la comercialización de 350 mil botelles de sidre ellaborao de forma artesano. Zacatlán, nel Estáu de Puebla, ye una antigua zona sidrera mexicana al ser una rexón onde se da mazana. Les primeres empreses que s’asitiaron na llocalidá foron, en gran parte, d’ascendencia asturiano.

 

De fechu, una de les compañíes sidreres qu’anguañu representen la industria agroalimentario de Puebla ye la llamada “Nietos de Asturias” -qu’anque ye poblana nun ta en Zacatlán, anque sí tien una dellegación ellí-. Na so páxina ueb siñalen: “Los vestixos en México de la sidre y los pumares documéntense dende la mesma fundación de la Ciudá de Puebla, trayíos fasta les nuese tierres polos Hermanos de la Orde Franciscana y cuya economía taba encontiada nel ciclu de vida del productu, llevando consigo les primeres serugues y garfios de pumares. N’agostu de 1531 Puebla recibe l’entítulu de “Puebla de los Ángeles”, nesta Cédula danse a los pobladores tierres a perpetuidá, granos pa la sema y otres aídes, asina foi’l principiu de lo que sedríe salvaguargar importantes tradiciones, dientru d’un padrimoniu económicu y cultural, comu’l cultivu de la mazana y la ellaboración de sidre”.

Anguañu ca llagar ellabora estremaes tribes d’esta bébora pa llegar a un mercáu más mozu. Nesi sen úfrense sidres d’arándanos, mora, duraznu, maracuyá y la tradicional de mazana. Los sos precios van de los dos euros fasta cuatro. Demientres el Décimu Festival de la Sidre venderánse 350 mil botelles qu’equivalen al 70 per cierntu de les 500 mil que venden al añu.

(Visited 2.465.106 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies