Inicio > AS > Noticies > Visites guiaes a El Gaitero
Noticies

Visites guiaes a El Gaitero

El llagar va tar abiertu pel branu de 10:00 a 13:00 hores y de 16:00 a 18:00 hores, aconséyase acutar.

LA SIDRA.- El Gaiteru yá escomenzó coles visites n’horariu de branu. La entrada ye gratuita ya inclúi la visita a la Colleición Permanente y al llagar, con degustación. Eso sí, ye aconseyable acutar al 985890100. Istalada en La Espuncia, la Colleición Permanente ufierta un percorríu al traviés de la hestoria de Valle, Ballina y Fernández.

Manuscritos, impresos, maquinaria, semeyes, orixinales publicitarios o productos ellaboraos son dalgunos de los principales reclamos que’l visitante pue conocer na esposición. El percorríu entama nel antiguu edificiu de dirección y alministración costruyíu en 1890. Un viaxe al traviés de les sos trés llantes percuerre espacios perfechamente estremaos. El primeru, dedicáu a los sos oríxenes, tantu a los de la sidre xampanizao comu a los de la familia fundadora y los sos continuadores.

La siguiente llanta viaxa al traviés de los mercaos, la esportación y l’apueste pola inversión en publicidá. El broche d’oru de la postrer llanta protagonizalu un espaciu a manera de sala de cine nel que se proyeuta un audiovisual sobro la hestoria de la empresa qu’inclúi fragmentos de la película ‘Bellezas de Asturies’, rodada ente 1919 y 1920, que contien un completu reportaxe sobro les bodegues de La Espuncia.

(Visited 883.904 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies