Inicio > Encamientos > Vinagre de sidre de mazana: beneficios pa la salú?
EncamientosGastronomía

Vinagre de sidre de mazana: beneficios pa la salú?

La CNN revela lo que dicen los espertos sobro’l so usu.

LA SIDRA.- El vinagre de sidre de mazana ye ún de los produtos naturales saludables más populares, utilizáu por xente de tol mundiu. Anque dellos espertos consideren que nun son riales, éstos son los beneficios más comunes a los que se acomuña:

Diabetis: el principal componente ye l’ácidu acéticu, que pue amenorgar los niveles d’azucre en sangre y bloquiar l’absorción d’almidón.

Perda de pesu: combináu con una dieta saludable y exerciciu pue amenorgar l’índiz de masa corporal y los niveles de triglicéridos.

Ablancazamientu dental: anque dalguna xente aconseya esclariase la boca con vinagre de sidre de mazana, los espertos consideren que nun ye una bona idea, una y bones l’ácidu puede provocar la cayida de la capa proteutora de los dientes y causar caries.

Piel y pelu: ayuda col picor producíu pola picaura de mosquitu, sollivia les quemadures del sol y amenorga la caspa, pero ye inútil para desfacese de los pioyos.

Llimpiador multiusos: de cutiu aconséyase como llimpiador pal llar. L’ácidu ye efeutivu escontra’l mufu, pero nun amenorga la grasa: l’aceite y el vinagre dixébrense rápido (piensen nun simple aliñu d’ensalada), asina que nun va ser abondo pa sentise llibre de xermes.

Conservante de comida: utilizóse demientres sieglos pa caltener dende encurtíos a carne, y como productu pa llavar la comida cola fin d’amenorgar les bacteries de la piel de frutes y verdures.

Tose y dolor de gargüelu: entemecíu con otros ingredientes como’l sal o’l miel, pué amenorgar el dolor y la inritación. Pero si carez de problemes d’esófagu o estómadu, podríe emperorarlos.

Enfermedaes coronaries: les sos propiedaes antiosidantes puen producir dalgún beneficiu pa la salú del corazón, pero ls meyor forma d’evitar malures coronaries ye faer exerciciu y siguir una dieta baxa en grases.

(Visited 2.465.878 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Dexa una rempuesta

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies