Inicio > Cultura sidrera > Villaviciosa, gallardonada cola “Faba d’Oru” de Casa Menéndez, de Murcia
Cultura sidrera

Villaviciosa, gallardonada cola “Faba d’Oru” de Casa Menéndez, de Murcia

El restorán asturianu asitiáu n’Águilas, “sigue faciendo patria” en territoriu murcianu

LA SIDRA.- El prósimu díi, 9 d’avientu, el restorán asturianu Casa Menéndez cellebrará la so yá tradicional entrega de los gallardones denomaos “Faba d’Oru”. Los propietarios del llocal, Teresa Lastra, como gjuisandera y Bautista Menéndez yá son abondo conocíos y populares en Murcia pola promoción que fain, d’avezu, del productu gastronómicu asturianu por escelencia, cellebrando estes reconocencies, dende va varios años, nesti mes asina como otros premios que s’entreguen en xunetu, baxo la denominación “Bonitu’l Norte”.

Asina, los gallardones aconceyarán de nueu a grandes presonalidaes d’estremaos ambientes sociales: cultural, esportivu, políticu, artísticu, lliterariu o empresarial. Y tienen como destinatarios, nesta ocasión, a la poetisa Magdalena Sánchez, residente n’Alhama de Murcia; a l’Academina Xeneral del Aire de San Javier, una de les istituciones más reconocíes y valoraes internacionalmente de la rexón de Murcia. Y, finalmente, al conceyu asturianu de Villaviciosa, “famosu por mui amplios valores ente los que destaca la so intensa produición de mazanes coles que s’ellabora una sidre de prestixu mundial: “El Gaitero” desplica Pedro Hurtado.

Casa Menéndez ye un restorán xestionáu por asturianos “de sentimientu, devoción y coral, pero en tierres murcianes” siñala Hurtado y continúa: “Ye tou un lluxu, sobro too porque Teresa ye una guisandera auténtica, de les de verdá, presona que gocia xunta los fogones a los que trata de saca-yos el másimu partíu en beneficiu de los sos comensales, llegaos d’estremaes llatitúes nacionales, asina como d’otros munchos países pola condición turística del conceyu d’´´Aguilas. ella esfuérciase enforma pa ufrir platos esquisitos, suculentos, de prestosu saborgu, esmerada ellaboración y col denominaor común d’una cocina asturiana tan refinada como atractiva, mentes que Bautista sírvelos na sala cola xenerosa información que’l comensal agradez y valora’l sentir la tradición como propia y la calidá del serviciu, nel so conxuntu, como daqué bramente impagable”.

 

(Visited 2.466.525 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies