Inicio > AS > Eventos > VII Primer Sidre l’Añu
Eventos

VII Primer Sidre l’Añu

Del 24 al 27de marzu cellebraremos la VII Primer Sidre l’Añu, la espicha más grande’l país, y ensin dubia la más esperada, la que marca l’entamu de lo que ye una temporada sidrera asturiana especialmente prometeora, de la que prebaremos la sidre nuevo.

 banderainglesa

LA SIDRA.- Demientres los cuatro postreros díis de Selmana Santa, nel inmeyorable marcu del Muséu del Pueblu d’Asturies, en Xixón, la Primer Sidre l’Añu ufiertará la posibilidá d’esfrutar de la más importante representación de la sidre nuevo, cola presencia de la mayoría de los llagares asturianos, a la que se xunce una ufierta cultural bien afayaíza, con esibiciones, talleres, tasties guiaes, cocina en vivu, música y baille’l país, tonada, bolos, mayada, xuegos pa neños… una fargatada de propuestes empobinaes a faer d’estes xornaes una referencia sidrera de primer orde, calteniendo l’espíritu y l’ambiente de les espiches tradicionales.

Comu tolos años, cuntaremos con Amuesa d’Asturianada y Sidre, el Concursu de Sidre Casero fecho en maera, los xuegos tradicionales de xaronca y llave, bolos, los xuegos pa neños, esibiciones de tonelería a cargu d’Hermanos Argüelles, les clases d’echáu de sidre… y anque temos fuera de temporada, y pa dar mayor protagonismu a los más piqueños, tamién mayaremos, meyor dicho, sedrán los neños los que mayen la mazana.

Asina mesmo, fadránse tasties de les sidres gallardonaes nel SISGA’15, cuntaremos tamién con sidre esplumoso, sidre ensin alcol y sidre’l duernu, asina comu una interesante representación de sidres internacionales. En conxuntu, toa una riestra d’actividaes xeneraes al rodiu la sidre, y que d’una o otra forma, son espresión de la cultura asturiana que-y ye propia.

 

 

sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr

(Visited 2.464.826 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies