Los díis 25 y 26 de marzu, dientru les actividaes de la Primer Sidre L’Añu, tendrá llugar l’amuesa d’asturianada na que los escolinos son los protagonistes.
LA SIDRA.- Los escolinos d’asturianada de les escueles de música tradicional Manolo Quirós, a cargu d’Anabel Santiago, La Quintana, a cargu d’Ismael Tomás, y la Escuela Casa La Cultura de Colunga, a cargu de Lorena Corripio, sedrán los protagonistes d’estes dos xornaes d’asturianada, que se cellebrarán el 25 y 26 d’esti mes n’El Tendayu del Muséu del Pueblu d’Asturies, dientru les actividaes de la Primer Sidre L’Añu.
Arriendes de ser una bona ocasión pa sentir asturianada nun ambiente tradicional y bien acompangaos de la sidre nuevo, esta amuesa, que yá va na so sétima edición, ye l’únicu eventu que tien a los escolinos d’asturianada comu protagonistes, dándo-yos la reconocencia y el puxu precisu pa continuar el so llabor, al empar qu’avezándolos a actuar en públicu y compartir el so arte col públicu presente.
El primer díi intervendrá la EMT Manolo Quirós, colos escolinos: Omar Martínez / Javier Pérez / Irache Espiha / Andrea Alonso
y el sábadu la EMT La Quintana y la Casa La Cultura de Colunga, colos escolinos: Laura Uría / Sara Sirgo / Andrea Méndez / Vanesa Señas y Lauis Castiello, respeutivamente.
El gaiteru sedrá Fran Pola y la téunica de soníu Elisa García.
L’horariu sedrá de magar les 16 hores.
