Inicio > AS > Eventos > Val de Boides trunfa en Nava
Eventos

Val de Boides trunfa en Nava

La DOP del Llagar Castañón foi escoyía como Meyor Sidre nel concursu del Festival de la Sidre de Nava, ún de los más prestixosos del país.

LA SIDRE.- Val de Boides, seguía de cerquillina por Cabueñes –a un puntu- y Ramos del Valle, foron declaraes les tres meyores sidres nel prestixosu concursu sidreru que se cellebra cola xida del Festival de la Sidre de Nava, y que xunto col de Villaviciosa y el de la Primer Sidre l’Añu ye de los que cunta con mayor participación de llagares.

Los tres ganaores d’esta edición son llagares de reconocíu prestixu, destacándose qu’en dos de los casos, Val de Boides y Ramos del Valle, trátense de la marca DOP de los llagares Castañón y Fran respeutivamente, y que’l llagar de Cabueñes, si bien nun cunta con marca propia dientru d’esa DOP ye un llagar que cunta con pumaraes propies y con veceros que-y apurren la mazana pela collación de Cabueñes.

 

El restu de premiaos nesta edición del Festival de la Sidre de Nava foron:

Meyor sidre de nueva espresion, Españar de Villaviciosa; meyor sidre esóxena, La Naveta; meyor sidre esplumosa endóxena,EM; meyor sidre esplumosa esóxena, El Gaitero spanish cider; meyor aperitivu, Rosmuth; meyor sidre de xelu, Cortina; meyor vinagre, Llagar de Oles; meyor auguardiente de sidre, San Juan del obispo; meyor pumarada, Don Víctor Hugo Nozaleda, meyor sidre de Nava, Sidre Roza

(Visited 2.467.977 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies