Inicio > Cultura sidrera > Val de Boides gana l’Eloxu d’Oru
Cultura sidreraLlagaresSidreturismu

Val de Boides gana l’Eloxu d’Oru

La sidre de Villaviciosa ganó’l certame de Xixón; el prósimu 2 de setiembre esta revista entama una Tastia Guiada de los productos de Castañón, el llagar que la ellabora

LA SIDRA.- L’Eloxu d’Oru, el premiu que se concede a la meyor sidre de la Fiesta de la Sidre de Xixón, foi una de les actividaes que se caltuvieron esti añu como parte de la cellebración. Les otres dos fueron El Mercaín de la Sidre y la Mazana; y la prueba del Campionatu Oficial d’Echaores. El Xardín Botánicu de Xixón foi l’escenariu nel que se cellebró’l certame que tuvo llugar el domingu 29 d’agostu al meudíi.

Val de Boides foi la sidre ganador nesti concursu, una marca que se fixo colos premios más importantes en dellos concursos sidreros asturianos y qu’esti añu, tamién, lleva’l xixonés. “Ganara una vegada esti premiu y tamién el que concede’l públicu. Pero eso foi fai abondo tiempu. Asina que toi bien contentu. L’añu pasáu nun inscribí sidre a esti certame por un fallu que tuvi, nun sé si  ganara o non… Pero nesti consiguímoslo. Nós tratamos de faer, la mayor parte de la nuesa produición, de Val de Boides, que ye DOP. Ta ellaborada con unes determinaes racesde mazana y llevamos dellos años teniendo premios con ello, asina que siguimos per esi camín”.

Nesta edición el xuráu tuvo compuestu por Maximino Villarrica, Joaquín Fernández; Sara Bajk, Víctor Manuel Fernández y Miguel Ángel Prieto. Amás, nuevamente’l notariu qu’asistió foi Javier Nozales. Les sidres que participaron nesti concursu fueron 22 y d’elles, seyes fueron les que pasaron a la final del pasáu domingu.

Hai que remembrar qu’esta revista entama’l prósimu 2 de setiembre una tastia guiada de los productos del llagar Castañón, el qu’ellabora Val de Boides. Va Ser nel CIFP d’Hostelería y Turismu de Asturies de 20:00 a 21:15 hores y ríquese inscripción previa. El contautu ye: infolasidra.as / T. 652594 983


(Visited 2.467.119 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies