Inicio > AS > Noticies > Uviéu y Xixón cellebren el Vermú d’Iviernu
Noticies

Uviéu y Xixón cellebren el Vermú d’Iviernu

L’eventu ‘RoxMut, Celebra lo que Yes’ ufre tapes d’autor del 21 de payares al 21 d’avientu.

LA SIDRA.- Más de trenta restoranes d’Uviéu y Xixón participen nel eventu “Vermú d’Iviernu, Cellebra lo que yes” que se desendolca dende’l 21 de payares al 21 d’avientu pa esfrutar del aperitivu qu’entecede al meudíi coles meyores tapes maridaes col vermú de sidre Roxmut.

L’eventu gastronómicu foi presentáu’l 23 de payares xunta’l “Perfect serve” de la bébora diseñáu pol cocteleru Nacho Capín, que tamién dirixe la formación de tolos establecimientos participantes. Demientres un mes, toos ellos ufrirán tapes clásiques y d’autor pa maridar col primer vermú de sidre.

Chigres y restoranes de dambes llocalidaes servirán la compuesta de sidre desendolcada pol llagar Castañóny maridar´nala con tapes que servirán a un preciu de cuatro euros. Ente elles, fritos de bacalláu con mahonesa d’ayu prietu, muxones n’escabeche de cítricos, blini de salmón y yogur eco, saltiáu de llargatu ibéricu yakisoba, carpacciu de xabaril, boletus y foie marináu, arroz cremosu al cava con llagostinos y vieires o causa de pulpu con ayí.

N’Uviéu participen 180 Grados, Antojos del Antiguo, Caprichos, Casa Chema, Danimir, El Llar de la Catedral, Gloria, Jaleoh, La Finca Agrobar, Secreto a Voces, Las Tablas del Campillín, La Mar y Morena, El Chigre, Sherwood y Vinoteo. En Xixón, Bellavista, Café Central, Café Dindurra, Cava Baja, Ciudadela, Dosmasuno Gastro, El Feudo, El Medio Lleno, El Palacio, Geli Zarracina, Gloria, Hattrick, La Galana, La Pequeña, La Terraza de Viesques, Los Nogales, Munich y Ócean.

(Visited 2.466.343 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies