‘Asturies Paraísu Natural International Cheese Festival ‘ y el so ‘World Cheese Awards’ van cellebrase dende’l 3 al 6 de payares del 2021; el plazu pa inscripción de los quesos va poder facese n ‘agostu y en setiembre
LA SIDRA.- En retrasándose un añu de resultes de la cris sociosanitario, el prósimu mes de payares cellebrará’l ‘Asturies Paraísu Natural International Cheese Festival’. De tala miente que los entamaores yá calecen motores pa caltener l’ésitu de la capitalidad internacional del quesu nel añu 2021 na ciudá d’Uviéu. Hai de destacar qu’esti festival llevaráse a cabu tomando toles midíes necesaries y garantizando un espaciu seguro pa participantes y asistentes; asuntu primordial pa esta cellebración y pal cumplimientu íntegru de los oxetivos marcaos na definición del Festival.o
La secretaría téunica del Festival yá zarro les feches clave para’l mesmu. Nel periodu ente abril y xunu realizará la evaluación de los posibles xueces que van representar la diversidá de países y rexones. Van tar formaos por prensa gastronómic y de turismu asina comu aquellos actores d’altu espectru competencial qu’actúen nel ámbitu comercial del quesu y alimentos de calidá certificao de los cinco continentes.
El plazu pa inscripción de los quesos sedrá d’agostu a setiembre vamos tener una imaxe d’aquellos quesos que representen esos países. La organización caltien los 14 puntos d’afitamientu que garanticen l’acesu y tresporte de ca quesu iscritu dende Asia fasta América. Paralelamente, el Festival ta trabayando nuna axenda cultural y gastronómico que van completar un calendariu onde Uviéu va ser una ventana abierta a la multiculturalidá quesera.