Inicio > AS > Noticies > Uviéu. Brinde oficial con vinu español
Noticies

Uviéu. Brinde oficial con vinu español

La corporación municipal uvieina rializó’l brinde oficial del Martes de Campu con vinu español, la sidre o nel so defeutu’l vinu Cangas, ye demasiao asturiano.

LA SIDRA.- Fartucos tamos de denunciar una y milenta vegaes como les istituciones asturianes desprecien a la sidre y al vinu Cangas usando en tolos brindes oficiales vinu español, en públicu despreciu a la sidre y al vinu Cangas. Nesta ocasión trátase de la corporación municipal uvieína (PSOE, Podemos, IU, PP, C’s), que nel so brinde n’El Bombé, el Martes de Campu, tornó a repetir l’humillante ritual de facer de menos a la bébora patria asturiana recurriendo al vinu español tan propiu de la dómina franquista, talo como pue vese na semeya tomada de LNE.

 

Paez ser que les “nueves formes” de faer política que daquién anunciaba y prometía, tórnense idéntiques a les de siempres una vegada que se ta nel gobiernu, y el despreciu a lo asturiano, a los asturianos y a Asturies costitúi una costante de toes elles.

Dende LA SIDRA tornamos a denunciar esta situación y a calificar d’indesplicable ya inxustificable estos comportamientos, y repetimos lo que ye evidente: nin la sidre, nin el vinu asturianu tien un res qu’envidiar al vinu español, y tratándose de istituciones asturianes ye de llei, y de xacíu recurrir y sofitar a  los productos asturianos. Llueu, a nivel particular, caún ye mui llibre de tomar vinu, sidre o Coca Cola.

(Visited 2.467.137 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies