Inicio > Chigres > Una Primer Sidre L’Añu especial
ChigresCultura sidreraDellosEventosEventosLlagaresLlagaresPSLASidreturismuTasties

Una Primer Sidre L’Añu especial

Cellebraráse del 1 al 4 d’abril y caltién la convocatoria de la Meyor Primer Sidre L’añu 2021, l’Asturianada y Sidre, el Sidracrucis, la Tastia Guiada, y el Concursu de Sidre Casero fecho en Maera, combinando convocatories presenciales, con otres on-line

LA SIDRA.- L’andanciu del Covid-19 va facer que la XII edición de la Primer Sidre L’Añu seya la más especial de toles que vienen entamándose fasta agora, de tala miente que pueda caltenese la so cellebración, respetando les midíes de seguranza sanitario en vigor.

Ello asina, la primer actividá sedrá’l Concursu Meyor Primer Sidre L’Añu, nel que podrán participar los llagares cola sidre nuevo, y cuyu xuráu aconceyará’l xueves 25 marzu na Sidrería La Montera Picona de Ramón, con asistencia de públicu llimitada y controlada -reserva de plaza per rigurosu orde d’iscripción en info@lasidra.as-, y emisión online per youtube  https://www.youtube.com/user/INFOLASIDRA ya instagram (@revistalasidra).

En cuentes de faelo nel Muséu del Pueblu d’Asturies, como yera avezao, la sidre ganaora podrá esfrutase en dellos chigres de Xixón, concretamente agora mesmo ta confirmao que tará disponible en:

  • Sidrería La Montera Picona de Ramón
  • Sidrería Poniente
  • Sidrería Nuevo Parque
  • Sidrería El Veleru
  • Sidrería Tírate al Matu
  • Sidrería Jaime
  • Sidrería El Centenario

Anque dirá ampliándose a dalgún otru chigre más. Arriendes d’ello, demientres esa selmana y la siguiente, canxearánse 3 corchos d’esta Meyor PSLA por un mázcaru con motivu sidreru.

La naguración oficial tendrá llugar nel Muséu del Pueblu d’Asturies el xueves 1 d’abril, y nella cellebraráse l’echáu del culete nagural y la entrega del premiu a la Meyor Primer Sidre 2021.

El vienres 2 d’abril, tendrá llugar el Sidracrucis, que percorrerá especialmente los chigres que cunten cola Meyor Primer Sidre 2021, y qu’en cuentes de cellebrase colleutivamente, rializaráse alcordies a les dimposiciones sanitaries, procurándose la mayor repercusión posible nes redes sociales, col emplegu del hastag  #Sidracrucis, que  con el de #PrimerSidreLAñu intentará algamar una importante repercusión mediática.

El sábadu 3 d’abril, n’horariu tarde, nel Llagar El Duque rializaráse una Tastia Guiada de la primer sidre del llagar anfitrión y de les 5 primeres sidres clasificaes nel Concursu Meyor Primer Sidre l’Añu, a cargu de Manuel Busto y Joaquín Fernández, con asistencia de públicu llimitada y controlada -reserva de plaza 10 €, por rigurosu orde d’iscripción en info@lasidra.as-, y emisión online per youtube https://www.youtube.com/user/INFOLASIDRA ya instagram (@revistalasidra).

El domingu 4 a les 12:30 entamará’l xuráu del Concursu de Sidre Casero Fecho en Maera, con entrega premios a les 14:30 aprosimadamente.

En cuantes a l’Asturianada y Sidre, cellebraráse on-line, cola apertura d’una llista de reprodución específica dientru youtube, y emisión per RRSS d’interpretaciones d’asturianaes rellacionaes cola sidre.

Arriendes d’ello, del 1 al 4 d’abril fadráse un importante llabor d’espardimientu en RRSS de vidios y semeyes rellacionaes con esta y anteriores ediciones de la Primer Sidre L’Añu, y la utilizacion del hastag #PrimerSidreLAñu, actividá pa la que se pide’l mayor sofitu social posible. 

PRIMER SIDRE L’AÑU / MEYOR PRIMER SIDRE L’AÑU / SIDRACRUCIS / TASTIA GUIADA / IX CONCURSU DE SIDRE CASERO FECHO EN MAERA


(Visited 2.464.691 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies