Inicio > AS > Noticies > Una mazana collorada pa la DO vasca
Noticies

Una mazana collorada pa la DO vasca

Presentáu’l sellu que certifica la nueva Denominación d’Orixe n’Euskadi

LA SIDRA.- Yá se presentó la imaxe de la Denominación d’Orixe pa la sidre vasco “Euskal Sagardoa”. D’esta forma poner en marcha la certificación que la so tramitación alministrativa esomenzó’l pasáu setiembre. Los trés diputaciones forales participaron nel apueste conxuntu pola certificación, que sofitaron y dieron puxu a toles asociaciones d’ellaboradores de sidra natural y productores de mazana sidrera de Gipuzkoa, Bizkaia y Araba.

La imaxe de la marca tien como base una mazana collorada qu’incorpora los palos de la txalaparta, preséu tradicional con orixe na “kirikoketa”, el soníu producíu polos golpes al mayar la mazana pa faer la sidra, según afirmen medios de comunicación qu’asistieron a la presentación. Nesta, el coordinador de la D.O. “Euskal Sagardoa”, Unai Agirre, indicó qu’anque les primeres botelles de sidra con esta certificación nun van tar nel mercáu fasta primavera, los toneles que contienen la sidra destinao a ella esiben yá la distinción, lo que’l públicu va poder apreciar demientres la temporada del “txotx” que s’empecipia esta mesma selmana.

Demientres el 2016 ellaboráronse 1.320.000 llitros de sidra empobinada a llograr la Denominación d’Orixe, qu’autoriza 115 variedaes de mazana autóctono y que supón el 12 % de la produición total d’Euskadi. La mayoría pumares y sidreríes con distinción nesta primer collecha tán en Gipuzkoa, onde s’inscribieron 29,  ente qu’hai cinco en Bizkaia y una Araba.

(Visited 2.465.255 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies